في حال فوز قلجدار أوغلو -الاستاذ أحمد الصالح

يتخوف البعض من السوريين في تركيا ويخوّف غيره من نتائج الانتخابات التركية في حال فاز كليجدار أوغلو!!

✓ ويأخذون الشعارات الانتخابية على محمل الجد .. مع أنها واضحة وضوح الشمس أنها شعارات استهلاكية لجذب أصوات العنصريين والتي لا تتجاوز 2 -3% من إجمالي أصوات الناخبين الأتراك.

✓ لو دققنا في دعايات المعارضة لوجدناهم يكررون رقم 10 مليون كعدد للسوريين في تركيا
مع أن العدد الحقيقي لا يتجاوز 4.5 مليون!!
بكرة .. ببساطة إذا فازوا بيطالعوا تقرير رسمي بعدد السوريين في تركيا وبيقولوا لجمهورهم (رحلنا 5 ملايين سوري) ?

✓ هل تستطيع دولة على وجه الأرض أن تضع 4.5 مليون شخص على لائحة المطلوبين دفعة واحدة ثم تلاحقهم أمنياً لإعادتهم؟!

✓ لنفترض أنهم سيضيقون على السوريين .. كيف؟!
لا يمنحونهم أذونات عمل (أغلب السوريين لا يعملون بأذونات عمل في تركيا) وهذا التضييق يضر بأصحاب المعامل والمشاغل والمصالح الأتراك لأنهم هم يتضررون.

✓ يرفضون تأجيرهم منازل في تركيا؟!
أغلب عمليات تأجير السوريين في تركيا تتم بدون توثيق في النوتر

✓ لا يفتحون لهم غاز ولا ماء ولا كهرباء؟!
عادي بتظل الفواتير على اسم صاحب البيت

بيضيقوا عليهم بالميادين العامة والمواصلات ..
إذا الدولة بتقدر تضيق هيك تضييق لمدة شهر واحد متواصل فما بتقدر تضيق أكثر من هيك

اليوم في إسطنبول هناك آلاف السوريين من حملة وثائق ولايات أخرى ..
وفي عز أزمة التفتيش عالمواصلات ما كانت الحكومة قادرة تضبط الأمور

على مستوى إسطنبول عم نحكي .. كيف على مستوى دولة كاملة.

✓ بنظري ..
المعارضة إذا بدهم يريحوا راسهم رح يجنسوا السوريين ويخلصوا من كل هالحكي والأخذ والرد.

✓ بنظري كمان مرة..
بس يوصلوا عالحكم يعملوا اللي بدهم إياه .. الجولة الثانية لأردوغان .